【馮仁昭四圍超】許冠文漫遊銅鑼灣

【蘋果日報】許冠文雖然已經76歲，但佢向來保養得宜，咁多年都冇走樣，日前佢就喺銅鑼灣一個人行街。
當日大約傍晚6點半，許冠文一個人似乎冇目的咁周圍行，見佢有時會低頭沉思，之後經過一間藥房，佢又走入去四圍望，但徘徊咗唔夠1分鐘又離開，之後再走進一個商場閒逛，大約行咗半個鐘頭就出番嚟，最後上咗一部七人車離開。
撰文：馮仁昭
長青網 - 一站式長者及護老者生活資訊網站