新聞類別
娛樂
詳情#
【蘋果日報】第21屆台北電影節前日公佈入圍名單，現年59歲的「綠葉王」車保羅憑香港短片《老人與狗》入圍最佳男主角，將跟台灣演員《老大人》的小戽斗、《寒單》的鄭人碩、《幸福城市》李鴻其和《蚵豐村》喜翔拗手瓜。至於入圍最佳女主角則有《人面魚：紅衣小女孩外傳》的徐若瑄和《儍儍愛你，儍儍愛我》的郭書瑤等，頒獎禮將於7月13日在台北中山堂舉行。
度定7月期
《老人與狗》是第13屆鮮浪潮國際短片節中本地競賽短片之一，由導演陳瀚恩執導，故事講述車保羅飾演的獨居老人「老陳」，得知自己患末期癌症而萬念俱灰時，多年不見的外孫帶來一隻遭棄養的老狗給他飼養，兩個走到夕陽階段的生命相遇，互相帶來溫暖和慰藉。
入行38年的車保羅，憑6呎3吋身高而受人注目，81年加入麗的電視拍《IQ成熟時》及《對對糊》等劇集，也曾拍電影《審死官》等。對於首度提名影帝，他昨在電話中說：「提名箒，唔係真係贏。未試過，第一次，所以瞓唔着，睇晒所有greeting。今日導演同我講『7月份你要畀期我，你去行紅地毯，我會同你準備晒所有嘢，酒店、飛機票各樣。』陪跑又好，都係一個event，我台灣有好多兄弟姊妹，順便過去探親。」
花十日拍攝
問到信心如何？車保羅說：「絕對有，因為我個樣喺戲裏邊太衰，我係一個潦倒老人，個孫想養狗，拖咗嚟畀我，我住公屋，我又有癌病又失業，幾十樣嘢殺埋嚟，成部戲我係入戲。」他表示此片於去年9月拍攝，前後只花了十天：「嗰時係人嘅最低潮，啱啱離開博愛冇嘢做，依家我係元朗同益街市早更阿一，兩個世界嘅嘢嚟，做咗六個月，管理成個街市。」問到可感吐氣揚眉？他說：「對住個天講，阿媽，你個仔卒之得咗喇，就算攞唔攞到第一都唔緊要，起碼獲提名，撼低咁多部入圍，都贏咗喇，人生裏行過每一步路都係開心。」他指《老》片下月會上映三日，每日一場。
採訪：魯吉
長青網 - 一站式長者及護老者生活資訊網站
度定7月期
《老人與狗》是第13屆鮮浪潮國際短片節中本地競賽短片之一，由導演陳瀚恩執導，故事講述車保羅飾演的獨居老人「老陳」，得知自己患末期癌症而萬念俱灰時，多年不見的外孫帶來一隻遭棄養的老狗給他飼養，兩個走到夕陽階段的生命相遇，互相帶來溫暖和慰藉。
入行38年的車保羅，憑6呎3吋身高而受人注目，81年加入麗的電視拍《IQ成熟時》及《對對糊》等劇集，也曾拍電影《審死官》等。對於首度提名影帝，他昨在電話中說：「提名箒，唔係真係贏。未試過，第一次，所以瞓唔着，睇晒所有greeting。今日導演同我講『7月份你要畀期我，你去行紅地毯，我會同你準備晒所有嘢，酒店、飛機票各樣。』陪跑又好，都係一個event，我台灣有好多兄弟姊妹，順便過去探親。」
花十日拍攝
問到信心如何？車保羅說：「絕對有，因為我個樣喺戲裏邊太衰，我係一個潦倒老人，個孫想養狗，拖咗嚟畀我，我住公屋，我又有癌病又失業，幾十樣嘢殺埋嚟，成部戲我係入戲。」他表示此片於去年9月拍攝，前後只花了十天：「嗰時係人嘅最低潮，啱啱離開博愛冇嘢做，依家我係元朗同益街市早更阿一，兩個世界嘅嘢嚟，做咗六個月，管理成個街市。」問到可感吐氣揚眉？他說：「對住個天講，阿媽，你個仔卒之得咗喇，就算攞唔攞到第一都唔緊要，起碼獲提名，撼低咁多部入圍，都贏咗喇，人生裏行過每一步路都係開心。」他指《老》片下月會上映三日，每日一場。
採訪：魯吉
長青網 - 一站式長者及護老者生活資訊網站
回應 (0)
