【馮仁昭四圍超】生日會演繹多首作品 栢芝喊話鍾意唱歌

【蘋果日報】張栢芝今日39歲生日，前晚佢喺北京舉行生日會，活動上獻唱咗出道歌曲《任何天氣》，歌迷都聽得如癡如醉，之後佢再唱《棉胎》更加感動到喊，話自己多年嚟喺電影掩飾自己，但其實好鍾意唱歌，希望能夠40歲時開一場屬於自己嘅演唱會。栢芝喺台上分享：「今天心情很複雜，很久沒有唱歌了，我完全沒有練習，為了你們，我用了兩天時間唱歌，今天我真的很感動，可以在舞台上為你們唱歌。」
為生仔延期
之後，栢芝就換咗另一套金襯黑套裝重唱名作《星語心願》，佢唱完第一節就突然邀請喺台下嘅林欣彤上台，兩人手拖手合唱，之後又拖林欣彤落台，林欣彤更遞咪畀粉絲，令台下亂成一片，有唔少人舉機拍攝。
栢芝喺生日會數次哽咽落淚，又感慨活動比拎最佳女主角更感動，栢芝喊住同粉絲講：「人生沒有甚麼過不去的。」栢芝仲透露舊年就有搞生日會計劃，不過因為要生「小王子」Marcus而擱置。之前佢要幫二仔Quintus搞生日會，佢話忙得焦頭爛額：「為了我的兒子真的很累。」此外，栢芝帶埋司儀李浩林同林欣彤等去慶功，講到之前搞呢個活動壓力好大，依家可以打麻雀獎勵自己。
撰文：馮仁昭
長青網 - 一站式長者及護老者生活資訊網站