與鄭則仕鬥眼神

【蘋果日報】久未返港拍劇的湯鎮業，近年逐步回歸，2015年以自由身重返無綫，與黎耀祥及黃秋生合演過《梟雄》，又與馬國明合演《心理追兇Mind Hunter》，今年再拍王晶監製的《荷里活有個大老千》，他說最難忘與鄭則仕（Kent哥）對戲︰「好開心，做戲好難搵到好腳㗎，尤其係大家背後都咁有故事。Kent哥做戲咁叻，你要平衡番壓住佢，咁就要用老練啲、深層啲嘅演繹方法，眼神要銳利，我哋一落場已經有份壓迫感。」
湯鎮業說愛拍港劇，因為在內地拍戲用普通話，要在腦內過濾一次，但廣東話是母語，演繹時可以完全交足戲、過足癮︰「其實睇戲係睇節奏，都要有番休息位，每一場戲都咁激，觀眾都睇到攰。做戲就好似中醫執藥咁，要剛柔並濟，要揀啱場合發揮，咁出嚟至好睇。」
長青網 - 一站式長者及護老者生活資訊網站