支持《壹傳媒》寵物嘉年華羅霖培養親狗關係

【蘋果日報】美魔女羅霖昨日應《蘋果》邀請帶同其1歲半的松鼠狗Creamy，參加《壹傳媒》在將軍澳《蘋果》大樓為員工舉行的寵物嘉年華。Creamy來到嘉年華，主動與不少大狗玩耍，更興奮留下「黃金」，羅霖見狀即下跪「執金」，絕不假手於工人。Creamy更吸引不少員工集郵，比主人更搶鏡。
關注養生
在活動上，羅霖與寵物食堂的主持人Reann分享寵物養生心得：「好多人養寵物都係因為佢得意，不過呢個係一世責任，要陪佢玩、傾偈，要同佢培養親狗關係。」雖然Creamy得1歲半，不過羅霖十分關注其養生細節，除了以雞肉及菜為主食，也有餵骨粉、三文魚魚油、維他命C等，她指愛犬好動活潑，為免傷到其關節，已買海棉樓梯放在家中。
羅霖表示第一次出席公司搞的寵物嘉年華，她大讚：「我都想可以帶住狗狗去開工，呢類嘉年華係可以鼓勵員工帶寵物返工，狗狗多咗地方去，員工之間又多咗話題。」講座中提到愛犬的結紮問題，羅霖表示：「佢就快兩歲，我哋諗緊要唔要幫佢結紮，我三個仔當然反對，因為唔捨得畀佢做手術，要全身麻醉，我都唔捨得，但我冇打算要Creamy生BB，有啲醫生話結紮對寵物健康好，病痛少啲，有啲持相反意見，我都聽緊兩方面意見。」
採訪：唐如
攝影︰沈健程
長青網 - 一站式長者及護老者生活資訊網站