郭可盈為女兒撲BLACK PINK飛

【蘋果日報】郭可盈前晚與弟婦熊黛林、何超瓊、謝玲玲和林恬兒兩母女等，在灣仔出席拍賣酒會活動，郭可盈忙陪女兒應付考試，加上囡囡愛韓國女團BLACK PINK，要為她撲下月澳門騷的門票，問到她會否讓女兒到韓國學藝，她說：「一定唔會，讀好書先，依家先九歲，佢都鍾意表演，有跳K-pop，我仲幫佢拍片，我都有一齊跳少少。」
熊黛林透露身形已回復未生孖女之前的九成，並表示下月會拍內地電視劇及電影，預計要離開香港個多星期：「至少十日八日，劇組好好，知我要返嚟探個女，個幾星期就畀我返港一次，老公仲話要帶埋BB嚟探我。」她透露早前與老公放下孖女去二人世界：「我哋幾個月去一次旅行，依家揀定泳衣，但老公好保守，唔可以太性感，有次喺溫泉影咗個背脊，佢都唔畀我post，可能怕人睇蝕。」
採訪：羅慧敏
攝影：陳慧安
長青網 - 一站式長者及護老者生活資訊網站