張晉拍打戲嚇親囡囡

【蘋果日報】張晉和導演陳果早前在九龍灣為新片《九龍不敗》接受訪問，片中張晉要跟拳王Anderson Silva對打，沒有拍戲經驗的Anderson令張晉十分擔心，他說：「其實係有啲驚，因為佢未拍電影之前，我睇過佢好多比賽，佢連贏十幾場，後面有一場佢隻腳被踢斷，所以佢唞咗好耐，佢會忘記拍戲，有時會繼續照打。」當張晉將拍戲的照片給囡囡看時，嚇到囡囡不停問：「爸爸，係咪拍戲咋？」張晉笑說：「個女叫我唔好拍，因為佢唔係好分到拍戲定現實，後來我喺現場特登打畀個女，叫Anderson同個女講嘢，咁我個女就好啲。」
向來擅長拍攝非主流電影的陳果，今次執導一部動作片，他說：「去到澳門要上山下水，有啲地方未必畀拍，呢次拍真係有難度，例如租地方難，打又有難度，因為有啲魔幻成份喺入面，變咗喺動作上可唔可以突破警匪片常見嘅動作，所以我一直同董瑋（動作指導）、晉哥傾，睇吓點樣做得更加好，因為唔容易處理。」
採訪：黃曉妍
攝影：陳俊強
場地提供：Chill Hea Party
長青網 - 一站式長者及護老者生活資訊網站