新聞類別
娛樂
詳情#
【蘋果日報】現年29歲嘅胡鴻鈞早前拍無綫劇集《降魔的2.0》一場吊威吔戲嗰陣，唔小心由高處墮下撞傷頭入院，喺醫院留院足足一個星期，日前佢嘅老友吳若希受訪嗰陣，仲漏口風暗示佢曾經昏迷過。
要唞幾個月
噚日大約下午3點，胡鴻鈞由助手陪同下出院，着住一身黑色衫嘅佢，戴上口罩接受訪問，佢仲講笑話因為醜樣所以要戴口罩。見胡鴻鈞步行動作緩慢，頸好似唔可以轉動，佢氣若游絲咁話：「康復進度好好，需要繼續休息，預計要唞幾個月，醫生話要睇個人狀態，醫生話我後生進度OK。」
講到意外墮地時後腦着地，胡鴻鈞話已經唔記得當時情況，問佢係咪有休克？佢話：「當時情況唔記得，要問番同事。」佢又話已經做咗腦部檢查同掃描，表面冇流血、冇穿，係震傷咗裏面。有冇失憶？佢話：「有啲嘢唔記得少少，依家好容易眼瞓，暈暈哋，但係正常。」至於傷後有冇後遺症，胡鴻鈞講笑話乖就冇事。而《降魔的2.0》拍攝已經到尾聲，仲有少少吊威吔戲未完成，問佢係咪會用替身，胡鴻鈞話先休息，再睇公司安排。吳若希話一個月後要同佢去美國登台，胡鴻鈞就話希望好番可以去到。
撰文：馮仁昭
長青網 - 一站式長者及護老者生活資訊網站
要唞幾個月
噚日大約下午3點，胡鴻鈞由助手陪同下出院，着住一身黑色衫嘅佢，戴上口罩接受訪問，佢仲講笑話因為醜樣所以要戴口罩。見胡鴻鈞步行動作緩慢，頸好似唔可以轉動，佢氣若游絲咁話：「康復進度好好，需要繼續休息，預計要唞幾個月，醫生話要睇個人狀態，醫生話我後生進度OK。」
講到意外墮地時後腦着地，胡鴻鈞話已經唔記得當時情況，問佢係咪有休克？佢話：「當時情況唔記得，要問番同事。」佢又話已經做咗腦部檢查同掃描，表面冇流血、冇穿，係震傷咗裏面。有冇失憶？佢話：「有啲嘢唔記得少少，依家好容易眼瞓，暈暈哋，但係正常。」至於傷後有冇後遺症，胡鴻鈞講笑話乖就冇事。而《降魔的2.0》拍攝已經到尾聲，仲有少少吊威吔戲未完成，問佢係咪會用替身，胡鴻鈞話先休息，再睇公司安排。吳若希話一個月後要同佢去美國登台，胡鴻鈞就話希望好番可以去到。
撰文：馮仁昭
長青網 - 一站式長者及護老者生活資訊網站
回應 (0)
