林宥嘉紅館騷太太驚喜捧場

【蘋果日報】台灣歌手林宥嘉一連三場的紅館演唱會前晚圓滿落幕，尾場獲謝安琪及容祖兒等到場支持。全程以廣東話交談的林宥嘉，於台上叫歌迷開手機燈時爆笑料，他說：「唔識開燈嗰啲，搵隔籬嗰個『膠膠』（教教）佢。」演唱會中他一度感觸落淚，有歌迷大叫「不要難過」，林宥嘉即抵死地說：「我沒有很難過，只是覺得自己唱得很好聽。」到握手位，歌迷表現相當熱情，又攬又摸面，演唱會在兩度encore後完結。
林宥嘉在慶功宴透露太太丁文琪也有到場為他打氣：「其實我都唔知㗎，係surprise嚟㗎。」記者問到為何廣東話越來越好？林宥嘉指：「同事好多係香港人，成日同我講廣東話。佢哋叫我下年挑戰多啲（場次），其實好嘅歌手應該有幾多歌迷就開幾多場。」記者指他要開足一個月，林宥嘉繼續用半鹹淡的廣東話說：「我有咁多歌迷嗎？」
採訪：盧妹
攝影：仇志德
長青網 - 一站式長者及護老者生活資訊網站