新聞類別
娛樂
詳情#
【蘋果日報】【杭州直擊】杜德偉（Alex）昨日於杭州為自家服裝品牌舉行首個時裝騷，除太太Ice外，好友梁家輝一家、曾志偉、陳小春、鍾鎮濤夫婦、葉童夫婦、上山詩鈉及巫啟賢等撐場，陳小春更仗義擔任壓軸男模。
籌備大半年
Alex直言舉行時裝騷是夢想成真：「品牌09年創立，啱啱十周年，多得拍檔同團隊令我夢想成真。」他說時裝騷花了大半年時間籌備，由服裝、舞台到音樂均由自己一手包辦，為了將表演和音樂融入時裝，特別找來演唱會導演及來自美國的舞者和樂手參與。提到獲好友支持，Alex笑指似結婚：「真係同結婚有過之而無不及，一個咁重要嘅日子，好想同所有好朋友分享喜悅。尤其多謝小春抽空嚟幫手，我應承揀最靚嘅衫畀佢做壓軸，佢聽完一口答應。」至於Alex當日因分身不暇，未能兼任模特兒。
除小春外，Alex表示亦邀得一位神秘嘉賓現身：「今年係Michael Jackson逝世十周年，所以有部份服裝向佢致敬，仲請到MJ親哥哥，The Jackson 5主音Jermaine Jackson嚟，咁啱Jermaine喺北京，我冒昧邀請佢，點知一口答應，真係好開心。」得到太太支持，但囝囝沒有隨行，Alex希望品牌成熟後可發展童裝：「囝囝依家兩歲幾，平時幫佢襯衫配搭都好多諗法，但目前專注做好男裝先。」他透露年底會於北京舉行全華語演唱會。
小春啱童裝
至於嘉賓曾志偉、鍾鎮濤與梁家輝都替Alex開心，鍾鎮濤說：「Alex呢個牌子搞咗好耐，今次戥佢開心，因為我哋都有好多衫着。」講到找陳小春做男模，志偉笑言：「搵小春就啱，因為今次係童裝，搵我哋佢請唔起。」家輝就接口：「出年啦，如果佢有青年裝或成人裝就考慮搵我哋。」三人都祝願好友越做越大，衝出國際。
採訪、攝影：曾小嘉
長青網 - 一站式長者及護老者生活資訊網站
籌備大半年
Alex直言舉行時裝騷是夢想成真：「品牌09年創立，啱啱十周年，多得拍檔同團隊令我夢想成真。」他說時裝騷花了大半年時間籌備，由服裝、舞台到音樂均由自己一手包辦，為了將表演和音樂融入時裝，特別找來演唱會導演及來自美國的舞者和樂手參與。提到獲好友支持，Alex笑指似結婚：「真係同結婚有過之而無不及，一個咁重要嘅日子，好想同所有好朋友分享喜悅。尤其多謝小春抽空嚟幫手，我應承揀最靚嘅衫畀佢做壓軸，佢聽完一口答應。」至於Alex當日因分身不暇，未能兼任模特兒。
除小春外，Alex表示亦邀得一位神秘嘉賓現身：「今年係Michael Jackson逝世十周年，所以有部份服裝向佢致敬，仲請到MJ親哥哥，The Jackson 5主音Jermaine Jackson嚟，咁啱Jermaine喺北京，我冒昧邀請佢，點知一口答應，真係好開心。」得到太太支持，但囝囝沒有隨行，Alex希望品牌成熟後可發展童裝：「囝囝依家兩歲幾，平時幫佢襯衫配搭都好多諗法，但目前專注做好男裝先。」他透露年底會於北京舉行全華語演唱會。
小春啱童裝
至於嘉賓曾志偉、鍾鎮濤與梁家輝都替Alex開心，鍾鎮濤說：「Alex呢個牌子搞咗好耐，今次戥佢開心，因為我哋都有好多衫着。」講到找陳小春做男模，志偉笑言：「搵小春就啱，因為今次係童裝，搵我哋佢請唔起。」家輝就接口：「出年啦，如果佢有青年裝或成人裝就考慮搵我哋。」三人都祝願好友越做越大，衝出國際。
採訪、攝影：曾小嘉
長青網 - 一站式長者及護老者生活資訊網站
回應 (0)
