蔣怡廚藝綁老公

【蘋果日報】蔣怡昨日在九龍塘出席惜食堂活動，即場開live以簡單食物製作薄餅，透露平日也會善用廚餘。蔣怡廚藝了得，經常下廚及宴客，囡囡也受到影響，蔣怡笑說：「阿女喺佢自己嘅塑膠廚房好有天份，成日問我想食乜，我話食條魚同熱狗啦，佢摷咗好耐話得半條魚，仲問媽媽點解你食嘅食物都係橙色，好好笑。我諗阿女遺傳我鍾意開party招呼人，但廚藝就未知。」
蔣怡讚囡囡是歡樂小姐，最叻逗人開心，她說：「細佬係佢最大粉絲，乜嘢時候見到家姐都會笑。」蔣怡廚藝除了影響囡囡，亦能鎖住老公翁狄森的胃口，她說：「 老公日日食我啲餸，佢話好難出街食飯，一來貴，又唔夠屋企好味同健康，好難返轉頭。」
採訪、攝影：卓寶花
長青網 - 一站式長者及護老者生活資訊網站