新聞類別
娛樂
詳情#
【蘋果日報】
蔡少芬嘅內地節目《我最愛的女人們》請老公張晉同奶奶現身之外，陳法蓉都係嘉賓之一。好姊妹見面無所不談，陳法蓉踢爆蔡少芬當年想將張晉介紹畀好友，令張晉大感意外。令人更意外嘅係陳法蓉有一個埋藏11年嘅心結。
當年蔡少芬同張晉結婚，陳法蓉應邀參加婚禮，但佢俾傳媒跟到揸車去會場，結果蔡少芬對佢發火，陳法蓉話第一次畀好姊妹咁大聲鬧，因為當日係蔡少芬大喜日子，只好忍氣吞聲。蔡少芬喺節目問當時有冇嬲？陳法蓉話因為嗰次係蔡少芬第一次向佢發脾氣，所以印象好深刻，講嗰陣仲忍唔住喊。張晉見到咁就即解圍，話已經相隔11年，叫陳法蓉有乜仇恨同冤屈，不如一次過申訴，成功化解尷尬氣氛。
張母耿耿於懷
之後蔡少芬解釋話當年畀人話「下嫁窮小子」，令佢壓力太大，對傳媒有排斥，唔希望婚禮被打擾，當佢見到有傳媒出現，就忍唔住對陳法蓉發脾氣。張晉媽媽亦喺節目中講，自己當年想喺家鄉重慶幫個仔搞婚禮，認為無論辦得好唔好，都係自己嘅事，佢哋又未窮到冇錢搞，為咗呢件事一直耿耿於懷，所以之後趁自己60歲生日乘機大搞。
撰文：馮仁昭
長青網 - 一站式長者及護老者生活資訊網站
蔡少芬嘅內地節目《我最愛的女人們》請老公張晉同奶奶現身之外，陳法蓉都係嘉賓之一。好姊妹見面無所不談，陳法蓉踢爆蔡少芬當年想將張晉介紹畀好友，令張晉大感意外。令人更意外嘅係陳法蓉有一個埋藏11年嘅心結。
當年蔡少芬同張晉結婚，陳法蓉應邀參加婚禮，但佢俾傳媒跟到揸車去會場，結果蔡少芬對佢發火，陳法蓉話第一次畀好姊妹咁大聲鬧，因為當日係蔡少芬大喜日子，只好忍氣吞聲。蔡少芬喺節目問當時有冇嬲？陳法蓉話因為嗰次係蔡少芬第一次向佢發脾氣，所以印象好深刻，講嗰陣仲忍唔住喊。張晉見到咁就即解圍，話已經相隔11年，叫陳法蓉有乜仇恨同冤屈，不如一次過申訴，成功化解尷尬氣氛。
張母耿耿於懷
之後蔡少芬解釋話當年畀人話「下嫁窮小子」，令佢壓力太大，對傳媒有排斥，唔希望婚禮被打擾，當佢見到有傳媒出現，就忍唔住對陳法蓉發脾氣。張晉媽媽亦喺節目中講，自己當年想喺家鄉重慶幫個仔搞婚禮，認為無論辦得好唔好，都係自己嘅事，佢哋又未窮到冇錢搞，為咗呢件事一直耿耿於懷，所以之後趁自己60歲生日乘機大搞。
撰文：馮仁昭
長青網 - 一站式長者及護老者生活資訊網站
回應 (0)
