白姐姐捐錢同小朋友玩

【蘋果日報】白韻琹與謝偉俊（Paul）昨天於田灣主持幼教學院開幕，白姐姐創辦的「盡訴心中情基金」捐款為學校建設兒童教育設施，白姐姐笑言多得阿Paul的安排策劃，更以他為傲，白姐姐說：「小朋友除咗讀書學嘢，玩都係重要一環，我哋都係出少少綿力，得到阿Paul幫助，出錢出力，我好proud of阿Paul。」
問到捐款數字，阿Paul說：「唔好講數字，總之足夠。」他們更致力培育下一代，白姐姐說：「我覺得每個小朋友都有唔同嘅talent，佢願意學習同觀察，會有意想不到嘅收穫同成績。依家啲先生都好好，但有時太嚴肅，中心有嘢玩，對於天真嘅小朋友會有所啟發。」問白姐姐會否當客席講師？她笑說：「我冇乜資格，不過可以同啲小朋友玩吓，演講都會嘅。」阿Paul則笑白姐姐較適合當學生。
採訪：羅慧敏
攝影：陳慧安
長青網 - 一站式長者及護老者生活資訊網站