被指與二奶聯手逼Raymond離婚　姚子羚新床照曝光

【蘋果日報】姚子羚上月19日被《蘋果》獨家踢爆戀上夜場前董事楊偉文（Raymond），同時爆出對方有前妻蔡宛珊（Sarika）及圈外「二奶」。姚子羚隨即現身開腔表示與Raymond交往時，對方已跟太太分居，而且她已和Raymond分手，並強調自己在不知情下被影床照。
相片GPS紀錄作證
日前《蘋果》再收到讀者爆料，自稱是「二奶」閨密的A小姐（化名）提供兩張子羚穿上白色泳衣、在床上攬實Raymond的相片外，還有五段疑似姚子羚的錄音聲帶。A小姐說：「啲相係GPS定位影嘅，上面有埋時間地點，去年10月喺Bangkok，佢點會唔知對方同佢喺床影過相？」
A小姐指姚子羚一直知道Raymond想氹回太太Sarika，因此與二奶聯手逼Raymond簽紙離婚，A小姐說：「佢甘心做三奶，其實Raymond同佢都提過幾次分手，但佢要贏，死都同二奶爭。」不過聲帶內容未有「逼分」，只是疑似姚子羚似向二奶埋怨Raymond不夠成熟：「如果佢可以成熟啲諗嘢，你老婆就唔會離開你啦。呢句說話我都不下一次同佢講，我話我終於明白，點解你老婆會離開你嘞。」
疑似姚子羚又說：「當然佢唔會話畀我聽，佢老婆離開佢，係因為佢flirt女啦。佢都係講話Sarika唔開心，因為佢冇時間陪佢，因為佢喺夜場返工，日日做到好夜，等佢返嚟瞓呀。佢就話我邊有時間箒，佢都知我係咁樣工作㗎啦，佢覺得以前冇錢，覺得有時間，好喇！但依家做咗嗰度份工，佢搵到錢喇，但就冇時間囉！」、「佢依家仲覺得橫掂我老婆都會離開我㗎啦，咁我使乜做好我自己。我心諗佢都特登咁去做放縱自己，但呢樣嘢係你自己去決定箒，如果你真係有心想Sarika返去你身邊，咁點解你唔利用佢離開你呢段時間，好好哋做好自己，證明畀你老婆知，你真係愛佢，所以為咗你，我做好我自己，希望你返嚟我身邊，而唔係繼續flirt女、媾女、食女。」
死口唔認見老婆
另外兩段聲帶則是：「最終我拆穿咗佢，話我有朋友識你老婆，同埋有朋友喺Ig見到你老婆，影到你喎。佢冇得唔認，因為之前我問咗佢好多次，我話我再問多你一次，你係咪去咗見你老婆？佢死口唔認嘅。」、「唔係呀，我哋返緊去佢嗰度時，佢突然之間停車，就話覺得佢好似見到你喺佢屋企樓下等。我話係咩，我唔見喎，我覺得佢呢個舉動，係想扮晒嘢，等我知難而退，咁我就唔會上佢嗰度，我當然唔會啦，我梗係特登上佢度。」
對於成為「二奶」和疑似姚子羚的談話對象，Sarika日前接受《蘋果》訪問時笑說：「哈哈，我都唔知點解人哋成日談論我，我都畀唔到comment。有冇叠住（一齊），我都唔深究及回應喇！」離開是否因為Raymond太花弗？她說：「之前都講過，一齊咁多年，分開唔止一、兩個原因。」
姚子羚昨回覆傳媒：「要澄清嘅，我之前已澄清咗。其實我同Raymond已經回復普通朋友關係。所以關於佢嘅嘢，我唔方便再作回應。事情已經告一段落，所以再發放一啲有我嘅相片或對話，其實係冇意義嘅。我嘅心情同工作都唔會受呢件事影響。多謝大家關心。」
採訪：嵐山
長青網 - 一站式長者及護老者生活資訊網站