欣宜自爆探婷婷「B女好肥美」

【蘋果日報】鄭欣宜、吳業坤、陳柏宇、許廷鏗和吳浩康等昨日在港台出席「星學計劃」活動，和大學生一起構思流行音樂計劃，欣宜笑言跟一班學生合作，感覺自己亦變得年輕。談到好友謝婷婷日前在Ig宣佈產女，去年曾到加拿大探望婷婷的欣宜表示：「好替佢開心，我有send message恭喜佢。舊年8月我返溫哥華做嘢，順便探佢，因為當地係我哋成長同讀書嘅地方，見到佢好開心，我哋仲一齊去食日本菜。」
避談父親身份
不過欣宜避談去年見到婷婷時，對方是否已經有喜，但問到當時出入可需要扶着婷婷，以及有喜後是否不應該吃日本菜時，欣宜亦默認自己早已知道，她說：「我自己好論盡，所以我哋朋友間出街都係互相扶持，而且日本菜都有好多種，邊個話一定係生嘢。」
欣宜表示最重要是母女平安，希望婷婷盡快帶囡囡回港，又透露上月去加拿大探婷婷時，有和B女玩，大讚B女相當結實。但問到B女父親可是外國人時，欣宜即耍太極，指自己即將推出新歌，十分搞笑。
落手落腳照顧
有傳婷婷B女的父親是加拿大富二代，欣宜說：「我入行十幾年，知道傳聞歸傳聞，最緊要係佢哋母女平安同開心。」 她又讚婷婷是一個好媽媽：「佢照顧得B女好好，事事都自己落手落腳。」 問到B女生得可像媽媽？欣宜笑謂：「佢好肥美，我叫佢做jelly bean，睇見都開心。」可會跟B女上契？她說：「點會輪到我，唔使擔心，大把人爭住錫佢。」
同場的吳業坤受訪時就笑言學生們知道抽中跟他合作，似乎流露出失望表情，他笑說：「唔緊要嘅，人生係有唔同挑戰，抽中我都係一個大挑戰。」坤哥又說希望透過對談，讓學生們可以看到不同的他。
採訪：曹家誠
攝影：陳俊強
長青網 - 一站式長者及護老者生活資訊網站