錢小豪鬧景峰衰仔

【蘋果日報】錢小豪昨晚在九龍灣出席晚宴，他表示近日舟車勞頓，上月和長子景峰一同到台灣拍攝慈善節目，他說：「其中去咗一個島小琉球拍攝宣揚環保，係第一次同阿仔出埠做善舉，之後阿仔返咗香港先，我就繼續參與，拍完就同細仔去咗泰國旅行，後日上橫店繼續開工拍網絡電影。」
景峰早前在港涉無牌駕駛，昨早上庭認罪候審，錢小豪驚訝說：「唔怪得知呢幾日唔敢搵我啦，乜佢冇車牌咩？」實情是景峰只持美國駕駛執照，錢小豪鬆口氣說：「可以補領香港駕駛執照，做乜佢以為美國牌大晒呀，可以喺香港揸車，佢唔識呢啲例，衰仔！」他表示會就此事教導景峰：「每個地方都要有合法駕駛執照，佢擺烏龍箒。」
採訪、攝影：卓寶花
長青網 - 一站式長者及護老者生活資訊網站