梁家輝催婚　家棟：放生自己

【蘋果日報】三位影帝梁家輝、古天樂及林家棟，前晚在九龍灣出席三人主演的電影《追龍II：賊王》首映禮。梁家輝笑古仔是影壇大亨：「秋生講㗎，古仔就辛苦啦，一日走幾組，香港、內地兩邊走，家棟好啲，因為佢發展自己嘅事業，做製作、編劇，幾線發展，我呢就比較舒服啲，因為我係退休人士。」
記者追問《追龍》是否他的退休之作，梁家輝笑言：「退休就唔等於退役，我係唔會推（戲）嘅，會做到最後一部為止。」問到古仔拍攝是否辛苦，古仔說：「一啲都唔辛苦，我係工作狂。」提到梁家輝早前叫他早點結婚，梁家輝即說：「唔好講呢啲啦，好尷尬。我嘅立場、身份同年紀就梗係想佢哋快啲成家立室。」林家棟表示與古仔有個共通點，就是「放生自己」，梁家輝補充說：「我亦都冇話自己行咗入條死路呀！」
採訪：卓寶花
攝影：陳俊強
長青網 - 一站式長者及護老者生活資訊網站