鄭敬基撐反送中遊行「做香港人嘅事」

【蘋果日報】特首林鄭月娥一意孤行推動俗稱「送中」的《逃犯條例》到立法會審議，鄭敬基和太太麥曉安前晚在九龍站出席活動時，對於後日舉行的反送中惡法大遊行，毫不猶豫地表示一定會準時現身參加。
唔想啲人移民晒
鄭敬基覺得引發他參與遊行主要原因是大家都熱愛香港，希望香港可以繼續鞏固國際地位，他說：「現時令到好多人、好多商戶都覺得唔妥當，有啲喺國內做生意嘅話依家啲錢喺邊度先最安全，新加坡啦，令你聽落去有啲心酸。」他覺得身為香港人，今次可能是最後一次行出來，希望盡量做香港人的事。
鄭太覺得政府沒諮詢又不聽取專業律師、大律師的意見，很多條例未釋疑慮就強行推出，她說：「只要你係愛香港，今次真係要盡量出嚟，咁耐以嚟我哋唔可以只係為咗自己得益嘅時候就好愛香港，依家香港好似陷於唔清晰地帶，我覺得我哋要盡力，你都唔想香港啲人移民晒。」
袁嘉敏呼籲上街
袁嘉敏和何婉盈前晚在尖沙嘴出席電影首映，她們異口同聲表示支持遊行。袁嘉敏直言後日會參與遊行：「我自己有留意呢個新聞，我會參加，不過政治嘅嘢今晚唔好講太多。」問她可否呼籲大家上街？她說：「心裏面直覺想去，就應該要去啦！」
龍小菌昨日出席電台活動時亦撐今次遊行，她說：「依家好似大家做好多嘢都徒勞無功，到底依家嘅政府係咪聽民意嘅政府呢？當日就算去都隱身去，唔會好公開講畀大家聽。」
李健宏（Kevin Boy）昨日接受本報訪問，談到反對惡法遊行，他直言身邊很多朋友都關心事件：「好多朋友都會去，我覺得去到某個年紀其實都冇嘢驚，依家香港已經變成一個地步，就係大家都好唔開心，可能有人話出去遊行上街結局都係咁，我覺得最緊要盡心，總之如果有嘢睇唔過眼、有嘢擔心，就應該去發表意見。雖然你可能認為依家未燒到你，但係難保將來總有一日會燒到。」
採訪、攝影：馬建華、盧妹、羅慧敏、曹家誠
長青網 - 一站式長者及護老者生活資訊網站