新聞類別
娛樂
詳情#
【蘋果日報】由《蘋果》舉辦、蘋果會員獨家專享的「Supper Moment音樂FAN享會」，上月30日晚假《蘋果》大樓舉行，當晚有過百位粉絲被抽中出席，得以近距離與Supper Moment（SM）接觸。
紐約錄歌思鄉
FAN享會當晚8點開騷，SM的四位成員陳仕燊（Sunny）、梁燿鵬（阿雞）、張祖光（CK）及陳鴻達（Hugh）甫出場，全場粉絲興奮尖叫，當音樂響起更自動站立，high爆揈手及伴唱，長約一小時的聚會，SM分別唱出《靈感床》、《橙海》、《風箏》、《是你令我再次找到心跳》及《說再見了吧》五首歌，完場前還與全場歌迷大合照。
Sunny與司儀周吉佩在台上chit chat時，講到SM早前到紐約錄歌，其間非常掛念香港的凍檸茶、奶茶、蛋撻及菠蘿包。Sunny說：「我哋冇觀光，只係來回酒店同錄音室，錄咗17首歌，因為今年會出一張有19首歌嘅唱片，普遍精選碟係將全部歌放埋一齊，但我哋想用新嘅聲音、重新編曲，令大家留意番啲舊歌。」
CK太太陀B
為何選擇去紐約錄歌？CK笑言紐約有紐約的聲，Sunny則說：「想喺人哋錄音室攞啲經驗，聽吓人哋嘅聲效。」SM除籌備精選碟外，本月還會出國語唱片，下月則到佛山開騷。Sunny說：「係我哋首個內地開賣嘅演唱會，希望反應熱烈，可以去更多地方表演，而8月我哋仲會去日本演出Summer Sonic。」司儀問到SM下半年動向？Sunny即代CK搶答：「生多件。」原來已有一子的CK，太太正陀第二胎，他笑說：「就出世，之前冇特登講。」歌迷即報以呼歡聲恭喜。
之後SM唱最後一首歌《說再見了吧》前，有歌迷問之前紀念品的barcode有甚麼用？阿雞透露barcode內的幾組字母，將來用作識別歌迷，可以購買SM的產品及演唱會等。
採訪：小米
攝影：仇志德
長青網 - 一站式長者及護老者生活資訊網站
紐約錄歌思鄉
FAN享會當晚8點開騷，SM的四位成員陳仕燊（Sunny）、梁燿鵬（阿雞）、張祖光（CK）及陳鴻達（Hugh）甫出場，全場粉絲興奮尖叫，當音樂響起更自動站立，high爆揈手及伴唱，長約一小時的聚會，SM分別唱出《靈感床》、《橙海》、《風箏》、《是你令我再次找到心跳》及《說再見了吧》五首歌，完場前還與全場歌迷大合照。
Sunny與司儀周吉佩在台上chit chat時，講到SM早前到紐約錄歌，其間非常掛念香港的凍檸茶、奶茶、蛋撻及菠蘿包。Sunny說：「我哋冇觀光，只係來回酒店同錄音室，錄咗17首歌，因為今年會出一張有19首歌嘅唱片，普遍精選碟係將全部歌放埋一齊，但我哋想用新嘅聲音、重新編曲，令大家留意番啲舊歌。」
CK太太陀B
為何選擇去紐約錄歌？CK笑言紐約有紐約的聲，Sunny則說：「想喺人哋錄音室攞啲經驗，聽吓人哋嘅聲效。」SM除籌備精選碟外，本月還會出國語唱片，下月則到佛山開騷。Sunny說：「係我哋首個內地開賣嘅演唱會，希望反應熱烈，可以去更多地方表演，而8月我哋仲會去日本演出Summer Sonic。」司儀問到SM下半年動向？Sunny即代CK搶答：「生多件。」原來已有一子的CK，太太正陀第二胎，他笑說：「就出世，之前冇特登講。」歌迷即報以呼歡聲恭喜。
之後SM唱最後一首歌《說再見了吧》前，有歌迷問之前紀念品的barcode有甚麼用？阿雞透露barcode內的幾組字母，將來用作識別歌迷，可以購買SM的產品及演唱會等。
採訪：小米
攝影：仇志德
長青網 - 一站式長者及護老者生活資訊網站
回應 (0)
