新聞類別
娛樂
詳情#
【蘋果日報】一坐低沒多久，張可頤就說了兩個最近發生的噩夢，繪影繪聲描述出來，對於一個演技派花旦，這方面難不了她。
第一個夢是這樣的：「當我擘大眼係喺一個漆黑裏面，擘大眼全黑，一隻手指都睇唔到，跟住周圍係冇晒反應，感覺好似接近死亡咁……」第二個夢更恐怖，夢中發現自己母親離開了……
最近算是小休復出的張可頤，接下張之珏導演的舞台劇《但願人長久》，8月將公演10場，從未演過舞台劇的她，自答應演出之後，她說，接二連三發了恐怖的夢。
張可頤說：「其實我係一個好冇安全感嘅人。」因為沒有安全感，她往往要扮強裝獨立，其實只為武裝自己，「強係我自己裝出嚟，係保護自己囉！」
今年50歲的張可頤，人生上半場告一段落，下半場開始才懂人生沒有完美，「原來越恐懼嘅嘢，你越嘗試去做呢，先係你成長嘅地方。」有時候太完美，反而不真實。
撰文：文嘉龍
攝影：沈健程
最後一句同爹哋說的話
越恐懼越要試，所以才接下《但願人長久》這齣舞台劇，主題講生老病死，對張可頤而言，一點不陌生。她的父親七年前病逝，令她對死亡有深刻體會。
「我爸爸係2012年走嘅，急性血癌，好突然。我爸爸當初入醫院只係做身體檢查，佢仲同我媽咪講，『喂，我兩日後就返嚟㗎喇，你煮定啲咩食啦！』但係估唔到嗰次佢入咗去之後就冇出過嚟，within三日然後急性and then離開，嗰個感覺係一種好窒息嘅感覺，因為你完全冇準備底下，一個你咁親愛嘅人，從此會消失喺呢個地球上面，你係永遠都唔會再見到佢。」
回憶起來依然傷感，「即係嗰個……呀……（哽咽）係……係好難接受，但我好慶幸就係嗰個時候我有宗教信仰，我相信人生老病死就必定㗎啦，死亡先至係我哋人嘅另一個開始……其實我唔驚死，我一啲都唔驚，以前我直頭冇諗過死亡係一件乜嘢事，依家對我嚟講唯一一樣就係不捨，點樣克服不捨呢？係一定要捨！」
記得最後一句同爸爸講的說話嗎？「我好記得，我同佢講『爹哋我聽日嚟睇你吖！』我最記得我走嘅時候，我回望咗我爹哋一眼，嗰個眼神唔知點解有一個gut feeling（直覺）係好唔舒服，回頭我話拜拜爹哋聽日再嚟睇你，雖然大家心裏面都係好唔捨得，嗰陣時醫生已經同我爹哋講咗乜嘢情況，但我個心都係好實好重，估唔到好快就，you know，就走喇！
「之後我自己諗番，我做得幾好喎，我可以掉低咗我自己嘅傷痛，而用一個好放鬆嘅心情去送我爹哋走囉！我諗我爹哋聽到㗎嗰一剎那，雖然佢瞇埋咗眼昏迷咗，但我同佢講你放心走啦，我知道你會被帶領㗎喇，你放心啦，唔好擔心喇。我好記得我嗰時係可以微笑住咁去講，係我自己覺得幾驕傲嘅一樣嘢！」
我嘅構造唔係一個主婦
經歷父親死亡，張可頤自己早在05年也經歷過一場大病，當年患上甲狀腺功能亢進症，被迫急急停工，「我當時係甲狀腺影響到我情緒嘅，我唔係真係患咗情緒病，但係我喺嗰段時間了解到情緒低落問題，原來真係唔可以自控㗎，即使你係一個好專業嘅人士、一個好有知識嘅人，原來當你情緒有病，大腦有病嘅時候，所有嘢都唔係自己可以控制到嘅！」
張可頤更加領悟到「有啲嘢要及時做及時講，即係有一日忽然要走嘅時候都可以無憾，好多人可能冇意識呢樣嘢，但我覺得係好緊要囉！」所以她更加珍惜與媽媽的相處時光，以往沒有做、冇時間做的，近幾年也統統做了。「我好珍惜我同我媽媽嘅相處啦，我媽媽有好多地方未去過，我喺呢段時間試過同我媽咪去上海啦，單獨喎！真係帶住阿媽去旅行，又去過台灣啦，我媽咪未去過呢啲地方，我亦未試過單獨同我媽咪去旅行。我覺得我喺呢段時間做咗好多以前唔會做，或者睇唔到有需要做嘅嘢，可能真係成熟咗，唔同咗以前啦！」
珍惜家人，男女私情反而冇諗。張可頤說，已經唔記得自己上一段戀情幾時發生。入行多年的張可頤，公開的愛情史一隻手數得晒，入行前與內地上市公司主席董波的愛情長跑，之後戀上經理人陳容森，再到08年因為拍大台節目《更上一層樓》撻着10億身家的金融才俊曾安邦，有指男方催婚逼生仔不成，兩人最終11年分手收場。
如今女人五十之齡，好命隨時做咗阿嫲阿婆了，不過有時人生真係急唔嚟。「年輕時候嘅激情呀愛情呀，我自己都有啲經驗嘅，不過唔多，呢個階段我覺得係要搵到個同你靈魂相近嘅人作伴，咁就更加理想，但唔容易。我成日同上天講，究竟我嘅另一半喺邊度？唔使太刻意嘅，因為我發覺愛情以外仲有好多嘅情，甚至乎我妹妹啲小朋友，好似係我啲細路仔咁樣。」
張可頤續說：「我諗我嘅構造唔係一個主婦呀，唔係一個好稱職嘅主婦。我諗你叫我做，我做到，但係你問我心底係咪好enjoy去做呢樣嘢呢？你知做媽媽係冇放工時間，做主婦亦都冇放工時間，有啲人好enjoy嘅，好似我妹妹就好enjoy，佢好適宜結婚有小朋友，因為佢真係enjoy呢個崗位，譬如話每日準時接佢哋放學呀返學呀，係每日如是，然後weekend又要諗定啲節目，放長假又要去邊度旅行，你會唔會好享受去做呢個崗位呢？我有問過自己，我做到嘅，但未必係我最enjoy做嗰樣嘢囉！」
我係特別唔俾人管得
張可頤常說自己深受母親影響。她生於小康之家，爸爸是公務員，媽媽從未打過工，婚後一直是家庭主婦，媽媽從小教她幾姊妹「要獨立，一定要經濟獨立，一定要讀好書」，所以張可頤13歲就被送到英國寄宿學校讀書，還要帶住妹妹留學。
「我諗外界好多人會覺得張可頤係一個好獨立好硬淨呀好強，點解我咁強呢？我都有同自己分析過呢個問題，我覺得我媽咪對我嘅薰陶係好大，我哋細個幾姊妹，我媽咪乜嘢都冇教過我哋，淨係叫我哋要獨立，一定要經濟獨立，一定要讀好書，儘管你好想結婚有家庭都好，都不能放棄職業，一定要有自己嘅財政獨立。」
潛移默化，人大了才發現與媽媽性格極相似。「我阿媽係一個好鍾意自由嘅人，所以我都係一個好鍾意自由嘅人，我好似我媽咪，可能你會問我，點解我到今日感情都好似冇乜着落咁，係咪唔憧憬結婚、唔需要另一半？唔係！其實我係鍾意自由多過任何嘢，如果一段關係入面有任何綑綁或者約束，我知道我係會唔開心！」
獨立性格從小養成，尤其帶住細妹兩個人到英國讀寄宿學校的歲月，張可頤更加要「大家姐」上身。獨立性格還包括唔鍾意俾人管住晒，張可頤說：「我係特別唔俾人管得！」
但管別人就得？「應該咁講，我係反叛嘅，我細個都係，你叫我行東呢，我偏要行西，我撞板一件事，我行番東都仲得，但你唔可以叫我行東就唔俾我試西，所以我人生嘅成長路呢，係比一般人長同埋困難嘅，因為我唔係咁易俾人說服到，我係好相信自己嘅人。點解我要管人呢？因為我係老大，我對下有兩個妹妹，嗰時去英國讀書，我同我對下個妹妹一齊去，我個妹六年班、我只係Form 1，我大佢一年㗎咋，但我好細個已經知道我有個責任要take care佢。可能我個妹習慣咗依賴我，我又習慣咗所有嘢同佢打點，好細個已經做咗一個母雞嘅角色。」
母雞要裝強都係為勢所迫，「強係我自己裝出嚟，係保護自己囉，嗱，你唔好蝦我呀、你唔好諗住陷害我呀，可能細個我慣咗呢個alert（警覺），因為我仲有個妹要照顧，變咗保護意識好强。」
後記：下半場
耐唔時網上總有甚麼最期待的花旦回巢拍劇排行榜，張可頤永恒地名列前茅，現在大台重播的《法證先鋒III》呢個星期仲有幾集玩完，「Dr.Chung」張可頤總算叫重現大台螢光幕，但其實對上一齣大台劇，已經是12年的《天梯》了。
「呢十年呢，張可頤冇好似以前喺無綫咁樣衝，拍咁多劇集，但係我呢十年人生入面，我有一個好dramatic嘅轉變，就係同自己裏面相處，令我領悟到人生有好多……（哽咽）sorry呀，俾我領悟人生最重要係乜嘢。嚟緊有乜嘢目標，上半場打完喇，咁人生下半場要點打呢？我嘅人生真係成熟咗！」
會唔會返大台拍劇？「一路所有門戶都開嘅，一路都係，點解當年我會離開TVB呢，係因為我都好想試吓出面嘅嘢……啲人話係咪同公司不和，其實冇囉！」她說ViuTV都曾經斟洽過，「但好多時真係撞咗期囉，時間就唔到，都要講機緣啦！」
張可頤還說，她最愛看的，原來是不死的《愛．回家之開心速遞》。
人不在大台，心仍在。
場地提供：Hotel VIC海匯酒店
長青網 - 一站式長者及護老者生活資訊網站
第一個夢是這樣的：「當我擘大眼係喺一個漆黑裏面，擘大眼全黑，一隻手指都睇唔到，跟住周圍係冇晒反應，感覺好似接近死亡咁……」第二個夢更恐怖，夢中發現自己母親離開了……
最近算是小休復出的張可頤，接下張之珏導演的舞台劇《但願人長久》，8月將公演10場，從未演過舞台劇的她，自答應演出之後，她說，接二連三發了恐怖的夢。
張可頤說：「其實我係一個好冇安全感嘅人。」因為沒有安全感，她往往要扮強裝獨立，其實只為武裝自己，「強係我自己裝出嚟，係保護自己囉！」
今年50歲的張可頤，人生上半場告一段落，下半場開始才懂人生沒有完美，「原來越恐懼嘅嘢，你越嘗試去做呢，先係你成長嘅地方。」有時候太完美，反而不真實。
撰文：文嘉龍
攝影：沈健程
最後一句同爹哋說的話
越恐懼越要試，所以才接下《但願人長久》這齣舞台劇，主題講生老病死，對張可頤而言，一點不陌生。她的父親七年前病逝，令她對死亡有深刻體會。
「我爸爸係2012年走嘅，急性血癌，好突然。我爸爸當初入醫院只係做身體檢查，佢仲同我媽咪講，『喂，我兩日後就返嚟㗎喇，你煮定啲咩食啦！』但係估唔到嗰次佢入咗去之後就冇出過嚟，within三日然後急性and then離開，嗰個感覺係一種好窒息嘅感覺，因為你完全冇準備底下，一個你咁親愛嘅人，從此會消失喺呢個地球上面，你係永遠都唔會再見到佢。」
回憶起來依然傷感，「即係嗰個……呀……（哽咽）係……係好難接受，但我好慶幸就係嗰個時候我有宗教信仰，我相信人生老病死就必定㗎啦，死亡先至係我哋人嘅另一個開始……其實我唔驚死，我一啲都唔驚，以前我直頭冇諗過死亡係一件乜嘢事，依家對我嚟講唯一一樣就係不捨，點樣克服不捨呢？係一定要捨！」
記得最後一句同爸爸講的說話嗎？「我好記得，我同佢講『爹哋我聽日嚟睇你吖！』我最記得我走嘅時候，我回望咗我爹哋一眼，嗰個眼神唔知點解有一個gut feeling（直覺）係好唔舒服，回頭我話拜拜爹哋聽日再嚟睇你，雖然大家心裏面都係好唔捨得，嗰陣時醫生已經同我爹哋講咗乜嘢情況，但我個心都係好實好重，估唔到好快就，you know，就走喇！
「之後我自己諗番，我做得幾好喎，我可以掉低咗我自己嘅傷痛，而用一個好放鬆嘅心情去送我爹哋走囉！我諗我爹哋聽到㗎嗰一剎那，雖然佢瞇埋咗眼昏迷咗，但我同佢講你放心走啦，我知道你會被帶領㗎喇，你放心啦，唔好擔心喇。我好記得我嗰時係可以微笑住咁去講，係我自己覺得幾驕傲嘅一樣嘢！」
我嘅構造唔係一個主婦
經歷父親死亡，張可頤自己早在05年也經歷過一場大病，當年患上甲狀腺功能亢進症，被迫急急停工，「我當時係甲狀腺影響到我情緒嘅，我唔係真係患咗情緒病，但係我喺嗰段時間了解到情緒低落問題，原來真係唔可以自控㗎，即使你係一個好專業嘅人士、一個好有知識嘅人，原來當你情緒有病，大腦有病嘅時候，所有嘢都唔係自己可以控制到嘅！」
張可頤更加領悟到「有啲嘢要及時做及時講，即係有一日忽然要走嘅時候都可以無憾，好多人可能冇意識呢樣嘢，但我覺得係好緊要囉！」所以她更加珍惜與媽媽的相處時光，以往沒有做、冇時間做的，近幾年也統統做了。「我好珍惜我同我媽媽嘅相處啦，我媽媽有好多地方未去過，我喺呢段時間試過同我媽咪去上海啦，單獨喎！真係帶住阿媽去旅行，又去過台灣啦，我媽咪未去過呢啲地方，我亦未試過單獨同我媽咪去旅行。我覺得我喺呢段時間做咗好多以前唔會做，或者睇唔到有需要做嘅嘢，可能真係成熟咗，唔同咗以前啦！」
珍惜家人，男女私情反而冇諗。張可頤說，已經唔記得自己上一段戀情幾時發生。入行多年的張可頤，公開的愛情史一隻手數得晒，入行前與內地上市公司主席董波的愛情長跑，之後戀上經理人陳容森，再到08年因為拍大台節目《更上一層樓》撻着10億身家的金融才俊曾安邦，有指男方催婚逼生仔不成，兩人最終11年分手收場。
如今女人五十之齡，好命隨時做咗阿嫲阿婆了，不過有時人生真係急唔嚟。「年輕時候嘅激情呀愛情呀，我自己都有啲經驗嘅，不過唔多，呢個階段我覺得係要搵到個同你靈魂相近嘅人作伴，咁就更加理想，但唔容易。我成日同上天講，究竟我嘅另一半喺邊度？唔使太刻意嘅，因為我發覺愛情以外仲有好多嘅情，甚至乎我妹妹啲小朋友，好似係我啲細路仔咁樣。」
張可頤續說：「我諗我嘅構造唔係一個主婦呀，唔係一個好稱職嘅主婦。我諗你叫我做，我做到，但係你問我心底係咪好enjoy去做呢樣嘢呢？你知做媽媽係冇放工時間，做主婦亦都冇放工時間，有啲人好enjoy嘅，好似我妹妹就好enjoy，佢好適宜結婚有小朋友，因為佢真係enjoy呢個崗位，譬如話每日準時接佢哋放學呀返學呀，係每日如是，然後weekend又要諗定啲節目，放長假又要去邊度旅行，你會唔會好享受去做呢個崗位呢？我有問過自己，我做到嘅，但未必係我最enjoy做嗰樣嘢囉！」
我係特別唔俾人管得
張可頤常說自己深受母親影響。她生於小康之家，爸爸是公務員，媽媽從未打過工，婚後一直是家庭主婦，媽媽從小教她幾姊妹「要獨立，一定要經濟獨立，一定要讀好書」，所以張可頤13歲就被送到英國寄宿學校讀書，還要帶住妹妹留學。
「我諗外界好多人會覺得張可頤係一個好獨立好硬淨呀好強，點解我咁強呢？我都有同自己分析過呢個問題，我覺得我媽咪對我嘅薰陶係好大，我哋細個幾姊妹，我媽咪乜嘢都冇教過我哋，淨係叫我哋要獨立，一定要經濟獨立，一定要讀好書，儘管你好想結婚有家庭都好，都不能放棄職業，一定要有自己嘅財政獨立。」
潛移默化，人大了才發現與媽媽性格極相似。「我阿媽係一個好鍾意自由嘅人，所以我都係一個好鍾意自由嘅人，我好似我媽咪，可能你會問我，點解我到今日感情都好似冇乜着落咁，係咪唔憧憬結婚、唔需要另一半？唔係！其實我係鍾意自由多過任何嘢，如果一段關係入面有任何綑綁或者約束，我知道我係會唔開心！」
獨立性格從小養成，尤其帶住細妹兩個人到英國讀寄宿學校的歲月，張可頤更加要「大家姐」上身。獨立性格還包括唔鍾意俾人管住晒，張可頤說：「我係特別唔俾人管得！」
但管別人就得？「應該咁講，我係反叛嘅，我細個都係，你叫我行東呢，我偏要行西，我撞板一件事，我行番東都仲得，但你唔可以叫我行東就唔俾我試西，所以我人生嘅成長路呢，係比一般人長同埋困難嘅，因為我唔係咁易俾人說服到，我係好相信自己嘅人。點解我要管人呢？因為我係老大，我對下有兩個妹妹，嗰時去英國讀書，我同我對下個妹妹一齊去，我個妹六年班、我只係Form 1，我大佢一年㗎咋，但我好細個已經知道我有個責任要take care佢。可能我個妹習慣咗依賴我，我又習慣咗所有嘢同佢打點，好細個已經做咗一個母雞嘅角色。」
母雞要裝強都係為勢所迫，「強係我自己裝出嚟，係保護自己囉，嗱，你唔好蝦我呀、你唔好諗住陷害我呀，可能細個我慣咗呢個alert（警覺），因為我仲有個妹要照顧，變咗保護意識好强。」
後記：下半場
耐唔時網上總有甚麼最期待的花旦回巢拍劇排行榜，張可頤永恒地名列前茅，現在大台重播的《法證先鋒III》呢個星期仲有幾集玩完，「Dr.Chung」張可頤總算叫重現大台螢光幕，但其實對上一齣大台劇，已經是12年的《天梯》了。
「呢十年呢，張可頤冇好似以前喺無綫咁樣衝，拍咁多劇集，但係我呢十年人生入面，我有一個好dramatic嘅轉變，就係同自己裏面相處，令我領悟到人生有好多……（哽咽）sorry呀，俾我領悟人生最重要係乜嘢。嚟緊有乜嘢目標，上半場打完喇，咁人生下半場要點打呢？我嘅人生真係成熟咗！」
會唔會返大台拍劇？「一路所有門戶都開嘅，一路都係，點解當年我會離開TVB呢，係因為我都好想試吓出面嘅嘢……啲人話係咪同公司不和，其實冇囉！」她說ViuTV都曾經斟洽過，「但好多時真係撞咗期囉，時間就唔到，都要講機緣啦！」
張可頤還說，她最愛看的，原來是不死的《愛．回家之開心速遞》。
人不在大台，心仍在。
場地提供：Hotel VIC海匯酒店
長青網 - 一站式長者及護老者生活資訊網站
回應 (0)
