新聞類別
財經
詳情#
【蘋果日報】「I love you three thousand…」電影《復仇者聯盟4》主角Ironman這句對白，令全球無數Fans哭掉眼淚；在現實世界，亦有一位靠Ironman令Fans趨之若鶩的男人—陳浩斌（Howard），這位Figure愛好者廿年前創立Hottoys，2008年憑Ironman Figure彈起，每次Marvel推出新電影及新角色，Hottoys門市定必大排長龍，10年來已賣出逾百萬隻Ironman，令Howard成為新一代港產玩具王。
記者：陳新政
Howard學生時代已是Figure迷，但零用錢有限，「睇咗當買咗」，長大後開店圓夢，初期以買賣賺差價為主，其後發現Figure可走中高價路線，將配件拆散配搭營造潮流，於是決定自行生產，將定價由市面300元加到600元甚至過千元，改變市場生態：「我覺得自己好似《星戰》嘅SkyWalker，有Force（原力）同童心推動你。以前啲女士會覺得男士買Figure好幼稚，但依家會覺得係收藏品。」
當初對Ironman，Howard是拒絕的：「我哋想要Spiderman，當時做緊第3集。就算2008年Ironman上映，大家焦點都放咗落《蝙蝠俠—黑夜之神》。」當年歐美公司很少授權予港商，但Marvel Studio當年瀕臨破產邊緣，結果Hottoys爭取數次後，成功取得Ironman授權：「其實一推出，都未夠batman咁好賣，之後Ironman好快話拍第二集，Marvel更被迪士尼收購咗，結果Avengers一系列角色都紅咗。」他稱這角色受歡迎，除因演員Robert Downey Jr.精湛演出外，Tony Stark角色背景亦是關鍵：「佢係億萬富豪、天才又係花花公子，係所有男士夢寐以求，所以最受歡迎。」Marvel Studio總裁Kevin Feige亦是其顧客。
會推出肥版Thor模型
「I am Ironman」，這句對白結束了這位傳奇角色近11年的精彩演出，亦帶動Hottoys出售超過100萬隻Ironman模型，銷情驚人，今年4月《復仇者聯盟4》上映，更將其推上高峯，但仍然供不應求，幾乎幾一件推出的Figure皆炒得起，「出售Pepper訂金單+500元、Ironman mark 85單+1,200元」。在網絡搜尋Hottoys模型，便會出現以上句子，即Hottoys模型未有現貨時，買家已經在網上將訂單以「摩貨」形式炒賣，例如一隻Ironman Mark 50 1：6模型原價2,530元，目前炒價已高達4,100元炒貴60%，十分誇張。
炒風熾熱，背後跟迪士尼的授權政策及廠房產能有關。例如訪問當日，記者想訂購一隻Ironman版「無限手套」，落訂後要等一年才有現貨，Howard解釋指電影推出後，迪士尼會授權哪種角色、造型或武器等，公司才能預製模組，待對方審批完成才能推出市場：「我都覺得等一年太耐，但其實機器造咗模組出嚟，要靠全人手去裝置，所以都冇得快。」
Howard直言，生產過程緩慢是目前最大難題，除了香港三間分店，上海亦有一間分店，香港已供不應求，何況是更龐大的內地市場。
Howard亦坦言擔心出現超賣情況：「我唔想見到啲產品周街都要特價去賣，唔想淪落到咁。」；另一隱憂是鋼鐵奇俠在電影中已「功成身退」，未來不會再有新盔甲及武器推出，對Hottoys肯定構成打擊，Howard感嘆：「佢係應該死嘅，成個系列可以last到咁耐，作為fans會有傷感，但我覺得其他角色都有可能性，好似Avengers 4最後一幕，全部超級英雄出晒嚟，fans都睇到好熱血，而且我哋都構思緊Figure以外嘅嘢，所以冇咗Ironman都唔怕，好似好多人問我肥版Thor會唔會推出，可以答你係會有嘅！」
長青網 - 一站式長者及護老者生活資訊網站
記者：陳新政
Howard學生時代已是Figure迷，但零用錢有限，「睇咗當買咗」，長大後開店圓夢，初期以買賣賺差價為主，其後發現Figure可走中高價路線，將配件拆散配搭營造潮流，於是決定自行生產，將定價由市面300元加到600元甚至過千元，改變市場生態：「我覺得自己好似《星戰》嘅SkyWalker，有Force（原力）同童心推動你。以前啲女士會覺得男士買Figure好幼稚，但依家會覺得係收藏品。」
當初對Ironman，Howard是拒絕的：「我哋想要Spiderman，當時做緊第3集。就算2008年Ironman上映，大家焦點都放咗落《蝙蝠俠—黑夜之神》。」當年歐美公司很少授權予港商，但Marvel Studio當年瀕臨破產邊緣，結果Hottoys爭取數次後，成功取得Ironman授權：「其實一推出，都未夠batman咁好賣，之後Ironman好快話拍第二集，Marvel更被迪士尼收購咗，結果Avengers一系列角色都紅咗。」他稱這角色受歡迎，除因演員Robert Downey Jr.精湛演出外，Tony Stark角色背景亦是關鍵：「佢係億萬富豪、天才又係花花公子，係所有男士夢寐以求，所以最受歡迎。」Marvel Studio總裁Kevin Feige亦是其顧客。
會推出肥版Thor模型
「I am Ironman」，這句對白結束了這位傳奇角色近11年的精彩演出，亦帶動Hottoys出售超過100萬隻Ironman模型，銷情驚人，今年4月《復仇者聯盟4》上映，更將其推上高峯，但仍然供不應求，幾乎幾一件推出的Figure皆炒得起，「出售Pepper訂金單+500元、Ironman mark 85單+1,200元」。在網絡搜尋Hottoys模型，便會出現以上句子，即Hottoys模型未有現貨時，買家已經在網上將訂單以「摩貨」形式炒賣，例如一隻Ironman Mark 50 1：6模型原價2,530元，目前炒價已高達4,100元炒貴60%，十分誇張。
炒風熾熱，背後跟迪士尼的授權政策及廠房產能有關。例如訪問當日，記者想訂購一隻Ironman版「無限手套」，落訂後要等一年才有現貨，Howard解釋指電影推出後，迪士尼會授權哪種角色、造型或武器等，公司才能預製模組，待對方審批完成才能推出市場：「我都覺得等一年太耐，但其實機器造咗模組出嚟，要靠全人手去裝置，所以都冇得快。」
Howard直言，生產過程緩慢是目前最大難題，除了香港三間分店，上海亦有一間分店，香港已供不應求，何況是更龐大的內地市場。
Howard亦坦言擔心出現超賣情況：「我唔想見到啲產品周街都要特價去賣，唔想淪落到咁。」；另一隱憂是鋼鐵奇俠在電影中已「功成身退」，未來不會再有新盔甲及武器推出，對Hottoys肯定構成打擊，Howard感嘆：「佢係應該死嘅，成個系列可以last到咁耐，作為fans會有傷感，但我覺得其他角色都有可能性，好似Avengers 4最後一幕，全部超級英雄出晒嚟，fans都睇到好熱血，而且我哋都構思緊Figure以外嘅嘢，所以冇咗Ironman都唔怕，好似好多人問我肥版Thor會唔會推出，可以答你係會有嘅！」
長青網 - 一站式長者及護老者生活資訊網站
回應 (0)
