新聞類別
娛樂
詳情#
【蘋果日報】
現年48歲嘅吳奇隆同劉詩詩喺11年合演內地劇《步步驚心》時戲假情真，之後再合作《步步驚情》，兩人最終喺15年拉埋天窗。今年4月劉詩詩一索得男，不過囝囝到依家仲未正式曝光。同吳奇隆私交甚篤嘅商台DJ雲妮（Vani）前日喺Ig貼出同吳奇隆合照，仲大爆對方嘅囝囝叫「步步」，似乎因為吳奇隆夫婦先後拍過《步步驚心》同《步步驚情》，囝囝改名紀念佢哋定情作。
背囊掛公仔
雲妮貼相後留言：「上次去台灣和奇隆見面，翌日他就當爸爸了！今天和這個新手奶爸吃飯聊天，初次見到他兒子『步步』的照片，沒想到我會感動得哭了出來！『步步』實在太可愛了！根本就是一個『小奇隆』！將來一定是個大帥哥！！好開心我的老友得到幸福，家庭美滿。」相中嘅雲妮同吳奇隆都舉起V字手勢，其中有一張相見到吳奇隆孭住嘅背囊掛咗一個Minions公仔，雲妮留言形容當時嘅佢反白眼時，吳奇隆話：「詩詩的啦！她喜歡的。」雲妮就讚老友夠甜蜜。
吳奇隆老婆劉詩詩前日都有更新微博，貼出囝囝咬住有鬍鬚裝飾嘅奶嘴相，不過佢就用圖案加工，兼且加上「必勝」字眼，為一班高考生打氣。
撰文：馮仁昭
現年48歲嘅吳奇隆同劉詩詩喺11年合演內地劇《步步驚心》時戲假情真，之後再合作《步步驚情》，兩人最終喺15年拉埋天窗。今年4月劉詩詩一索得男，不過囝囝到依家仲未正式曝光。同吳奇隆私交甚篤嘅商台DJ雲妮（Vani）前日喺Ig貼出同吳奇隆合照，仲大爆對方嘅囝囝叫「步步」，似乎因為吳奇隆夫婦先後拍過《步步驚心》同《步步驚情》，囝囝改名紀念佢哋定情作。
背囊掛公仔
雲妮貼相後留言：「上次去台灣和奇隆見面，翌日他就當爸爸了！今天和這個新手奶爸吃飯聊天，初次見到他兒子『步步』的照片，沒想到我會感動得哭了出來！『步步』實在太可愛了！根本就是一個『小奇隆』！將來一定是個大帥哥！！好開心我的老友得到幸福，家庭美滿。」相中嘅雲妮同吳奇隆都舉起V字手勢，其中有一張相見到吳奇隆孭住嘅背囊掛咗一個Minions公仔，雲妮留言形容當時嘅佢反白眼時，吳奇隆話：「詩詩的啦！她喜歡的。」雲妮就讚老友夠甜蜜。
吳奇隆老婆劉詩詩前日都有更新微博，貼出囝囝咬住有鬍鬚裝飾嘅奶嘴相，不過佢就用圖案加工，兼且加上「必勝」字眼，為一班高考生打氣。
撰文：馮仁昭
回應 (0)
