陳瑞球家族 密密買YGM

【明報專訊】內地消費能力強勁，高檔品牌更搶手。銷售「馬獅龍」、Ashworth等高檔服裝品牌的YGM貿易（0375），近期股價升唔少，噚日收報16.98元，升7.7％。

股價升，最開心當然係股東，現時集團大股東係陳瑞球家族的公司，近期仲不斷增持。根據港交所股權披露顯示，Chan Family Investment Corporation Ltd.喺本周一增持10萬股，全屬場內增持，平均價15.56元，即係大約155.6萬元。

再睇真啲，原來佢哋由今年開始已經密密增持26次，亦由年初嘅股權19.09％，增至最新嘅20.01％，穩守大股東位置。YGM其他股東都係陳瑞球家族的成員，包括兒子陳永燊等。陳瑞球的侄兒，就是全國政協常委陳永棋。加加埋埋，Chan Family Investment 連同家族成員嘅總持股量，已經達到55.75％。