長和業績後 超人罕有無增持

【明報專訊】華人首富李嘉誠周不時都會喺長和系公布業績之後，增持長和系股份，以示支持。不過，小琴發現長實（0001）同和黃（0013）喺3月29日公布咗去年全年業績後，李嘉誠到家都未有增持舉動；而佢嘅愛將霍建寧就同老闆行動一致，都冇增持長和系。

霍建寧加薪24％ 至逾1.5億

李嘉誠對上一次無喺業績公布後增持長和系，是在2009年3月公布2008全年業績，之後呢位華人首富都有不斷增持長實同和黃，最近一次增持長實，喺去年12月，以3318萬增持29萬股；最近一次增持和黃，喺今年1月份以1.5億元增持158萬股。

小琴又見到和黃年報內，董事總經理霍建寧去年又加人工，年薪加24％至逾1.5億元，係名副其實嘅「打工皇帝」。