匯賢遲咗3年出世？

【明報專訊】呢個4月最廣為人關注嘅事相信係等咗好耐的首隻人仔IPO匯賢房託（87001）終於招股。李超人呢個「香港第一」真係有段古，除咗傳話佢嘅紅顏知己周凱旋佔小部分權益外，最近小琴由一位接近匯賢領導層既人嗰度八到，原來早於2008年佢哋已經有概念將東方廣場包裝成REIT來上市，不過就唔係香港，而係A股市場。

之但係，因為內地相關法例遲遲未有，所以呢隻「A股REIT」一直生唔出。拖下拖下到舊年年頭，港府想搵長實（0001）做人民幣債券，但又係傾唔成，之不過響7月果陣，內地放寬香港銀行人民幣業務，於是搞「REIT」的念頭再度浮起。

港府初籲長實發人債

呢位人士仲話，其實喺8月，匯賢已經開始籌備，之不過港交所都好謹慎，做test都做咗3次，所以直到家隻匯賢先推出來，比原先預計時間已經遲咗。雖然係咁，匯賢班領導都覺得，做唔成人債改做REIT，已經叫做對政府有交代了。

另外，呢位人士轉述匯賢領導的話，原來去年12月風聲外泄之後，港交所曾主動搵匯賢，問清楚係咪佢哋有人走漏風聲，可見其緊張。

報料電郵﹕[email protected]