福布斯暗串伯南克

【明報專訊】《福布斯》雜誌創辦人家族第三代史提夫·福布斯（Steve Forbes）駕臨香江，小琴有幸聽到呢位傳媒大佬談笑風生。身為政見多多嘅共和黨人，自然對民主黨嘅經濟政策好有意見，佢噚日出席香港美國商會嘅午宴演講，一路鬧，一路引到台下聽眾騎騎笑，佢仲串嘴到話中國領導人下次訪美，可以去ebay或阿馬遜買本「央行操作」之類嘅書送畀伯南克（聯儲局主席）同蓋特納（美國財長），做下文化交流喎！

佢一開口就痛斥美國瘋狂印銀紙，造出經濟復蘇嘅假象，同埋商品價格通盤上升嘅泡沫，過多幾年，可能輪到美金出現危機咁話。福布斯又鬧美國建議加稅，係懲罰做生意、對經濟有貢獻嘅人，又以日本二戰後減稅，令經濟以驚人速度反彈嘅歷史嚟告誡奧巴馬。

籲中國領導送書 點醒美財官

至於美國不斷指控中國操縱人民幣匯價，佢完全支持穩定嘅貨幣，認為中國過去十幾年，出口得以穩定發展，全靠將人仔同美金掛鈎，佢甚至提議將美元同黃金半掛鈎——例如當金價升到1400美元一盎司，或者跌到某個水平，聯儲局就出手干預，呢個提議，同家印銀紙唔使本嘅現况，真係南轅北轍。

講開又忍唔住講，早幾日小琴見到福布斯喺恒地（0012）國金二期嘅私家電梯出入