全球電訊設備二哥 華為神秘董事會曝光

【明報專訊】中國最大兼僅次於愛立信的全球第二大電訊設備商華為，昨日公布去年全年業績，多賺三成，達到238億元人民幣，約為36億美元，以去年盈利計，僅次於美國Cisco咋，真係勁。不過，呢個業績最引人注目嘅唔係佢賺了幾多，而係首次披露其神秘董事會成員名單及治理架構。

料為軍方背景釋疑

作為一間非上市民營企業，過去華為一直冇公布過董事會成員名單，加上佢地CEO任正非年輕時曾加入解放軍部隊，參與軍事通訊系統工程，其人又十分低調，鮮與傳媒接觸，因此海外傳聞華為有軍方背景，披着一層神秘面紗。

而今次華為公開的新一屆董事會13名成員名單資料都算齊全，有名有姓有照片有個人介紹。除任正非為副董事長兼CEO以外，CFO正是其女兒孟晚舟，至於任正非弟弟任樹錄，則是5名監事會成員之一。

對於華為首次主動曝光神秘董事會，外地傳媒認為係佢地想釋除美國對其軍方背景的疑慮，事關今年2月，華為被迫放棄收購當地一間叫3Leaf Systems的伺服器技術公司，原因係有眾議員指華為的收購，會對美國的電腦網絡構成威脅，言下之意就是對華為涉軍方背景的不信任。