寄語80後﹕錯過入市時機 只能等待

【明報專訊】經常買賣物業作投資的王弼，家族從事瓷器生意，笑言有一筆「閒錢」可作投資，但直到2005年才首次置業。「早於03年已在羅便臣道物色咗一個800多呎單位，當時售價只需150萬元，不過當時屋企人認為樓市差，唔支持；04年樓價趨升，羅便臣道物業已升咗少少，於是轉移目標至薄扶林一個800多呎單位，售價200多萬元，不過屋企人仍不支持而最終放棄；直至05年樓價仍繼續向上，家人首肯下終購入廣播道一個單位，呎價約4000元，之後年年入市。」

王弼承認買樓入市時機很重要，如果80後錯過低價買樓機會，他覺得這是無可奈何，只有等待下一次機會。「唔少資深投資者等幾年，甚至10幾年才出手，耐性係好重要」。

反對隨便將自住物業出售

對於投資收租物業的策略，他指主要看租金回報，就是租金收入足以抵消供樓的利息開支，「如果價錢升咗好多，多到收租收十幾二十年都無咁多嘅時候，咪走咗佢囉」。不過，他不贊成隨便將自住物業出售轉為租樓，待市跌再入市的想法，「世事唔會咁如意，賣樓賺咗啲錢，往往全花喺租樓上」。

不少人要求復建居屋，讓市民可以用一個較平的價錢就可以買到樓。王弼卻認為，買居屋其實唔着數，「佢只係用一個未補價嘅折扣，賣一個唔完整嘅業權畀你，轉手和升值潛力，其實不及私樓」。