鼎暉合伙人 高調「私奔」

【明報專訊】本月16日深夜，內地知名風險投資機構鼎暉投資嘅合伙人王功權，喺自己嘅微博上發布「私奔」消息。佢一直自稱「一個商人加半個文人」，呢次終於以其浪漫飄逸的人文情懷，正式向商界告別。

佢喺微博原文咁寫：「各位親友，各位同事，我放棄一切，和王琴私奔了。感謝大家多年的關懷和幫助，祝大家幸福！沒法面對大家的期盼和信任，也沒法和大家解釋，也不好意思，故不告而別。叩請寬恕！功權鞠躬。」

而前一晚，王功權發布一首《私奔之歌》，稱「總是春心對風語，最恨人間累功名……癡情傲金，榮華若土，笑揖紅塵舞長空！」

50歲已婚嘅王功權，佢嘅私奔對象王琴，係中孚投資創始人，年僅34歲。王琴以傳媒背景，創下地產代理公司，又涉獵房產開發。據內地傳媒估計，身家應有成30億人仔以上，不下於王功權。由於對詩詞嘅熱愛，王琴同王功權相戀，同樣放下功名利祿，據稱目前兩人已好飄逸咁移居國外。真係講都冇人信。