梁錦松﹕朋友話我政壇注定短命

【明報專訊】梁錦松2003年離任財爺後，重返商界，擔任黑石集團大中華區主席。佢噚日接受亞洲電視訪問，話政界同商界好唔同，商界贏到掌聲、花紅，政界就好易招惹批評。

商界贏掌聲 政界易惹批評

佢話﹕「我哋做十項投資，有兩個令我哋蝕錢，但如果有數項贏咗，其餘中庸，總括嚟講，我哋仍然賺很多錢，仍然有好多花紅、獎金。但喺政府做事，十件事中有九件做得好，做得好漂亮，冇人會讚你，做衰咗，即使只是有瑕疵，都已經被人罵至鋪天蓋地。」佢話自己用商業思維做事，但有朋友同佢講咁嘅思維，政壇上注定短命。

佢任職期間處理過最棘手嘅公務員減薪同減綜援，引起好大爭議。佢話睇番當時嘅做法，要公務員減人工喺政治上好不智，亦可以多啲照顧受眾嘅感受。希望現時或者未來有心做官者，都汲取呢位財爺嘅寶貴經驗。