新秀麗非執董 位位猛龍過江

【明報專訊】至於美國公司新秀麗（1910）遠渡太平洋來香港上市，搵咗幾位居於香港嘅企業精英，做獨立非執行董事，位位都有番咁上下跨國企業經驗，但過去較少出任本地上市公司董事，佢地三位係葉鶯（YING YEH） 、Paul Kenneth Etchells及Miguel Kai Kwun Ko。

奇女子葉鶯 曾任跨國企要職

63歲嘅葉鶯堪稱係一代奇女子，佢喺北京出生，曾經喺新加坡海峽時報集團、美國紐約全國廣播公司工作。80年代加入美國商務部，1995年出任美國駐華大使館公使銜商務參贊，係首位女性出任呢個職位。佢宜家擔任能源業務嘅美國納爾科公司（NALCO）副總裁，亦係瑞典沃爾沃集團 （AB Volvo）同英國洲際酒店集團 （InterContinental Hotel Group PLC）嘅獨立董事。而61歲嘅Paul本身係會計師，曾經喺太古公司工作。而Miguel喺Starwood Hotels & Resorts做亞太區主席兼總裁，九龍站W Hotel就係呢個集團嘅出品。