新聞類別
財經
詳情#
【明報專訊】濠賭股經過5月份嘅一輪升勢，近日回落唔少，唔知係咪因為呢個原因，金沙中國（1928）噚日開股東會，主席艾德森都冇同香港傳媒傾偈，搞到小琴想問吓艾德森，點睇佢個對面馬路嘅新場、銀河娛樂（0027）嘅澳門銀河都冇機會添！
門券價值200元
雖然艾德森因為趕時間唔得閒應酬記者，但金沙對股東就照顧得相當周到。原來金沙喺股東投票表格度夾埋一疊coupon，其中有澳門威尼斯人度假村啱啱喺上個月開始推出嘅冰雕展「冰FUN世界」，個展覽去到今年9月中，門票每位100蚊，每位股東都分到兩張門票。
聽金沙啲小股東講，原來公司舊年都有送禮券，係澳門威尼斯人度假村食肆嘅100蚊現金券。唔通金沙舊年想畀股東試吓酒店啲食物質素，今年就想畀佢哋睇吓公司搞展覽嘅實力？
回應 (0)
