新聞類別
財經
詳情#
【明報專訊】雖然近日股市疲弱，不過基金愛股騰訊（0700）都繼續強勢，企穩200元樓上，董事以及創辦人之一張志東（小圖）就趁機減持套現，由5月尾至今兩次減持，套現超過1億元。據知，騰訊2004年上市時，佢持有逾6％，家已經減持到3.63％，幾年間都套現唔少。
馬化騰同學 技術型人才
小琴查閱聯交所股權變動資料，發現張志東喺5月27日，在場內以每股平均價215.479元減持25萬股，套現5387萬元；過咗幾日，喺6月2日再在場內減持25萬股，每股平均價220.901元，套現55.23萬元。兩次減持之後，張志東由持股3.66％減至3.63％，共套現1.09億元。
講開騰訊，好多人都只係識主席馬化騰，其實首席技術官兼執董張志東都係創辦人之一。據了解，馬化騰與張志東係同學，而且係拔尖的一群，二人都係畢業於深圳大學。後來馬化騰邀請張志東一同創辦騰訊，開發QQ軟件，張志東係典型技術人才，所以就負責QQ的技術研發。
回應 (0)
