鍾絳虹愛瑜伽 捧新股浩沙場

【明報專訊】最近來港上市的新股多如走馬燈，令人眼花撩亂，常常一日幾場推介午餐會同時舉行，基金經理簡直係分身乏術。很少出席呢類午餐會嘅中央證券董事總經理鍾絳虹，昨日特意去捧浩沙場，笑住咁話自己睇好呢類零售股。佢嚟捧場另外仲有原因，就係「對瑜伽有興趣，浩沙都有生產瑜伽服裝」。

中央證券至今已經協助上百家企業完成上市，客戶幾乎囊括所有大型國企及海外公司，經鍾絳虹手嘅新股多不勝數。今年上半年漸近尾聲，各路新股都抓緊最後檔期，紛紛加速，由家到月底，爭取火速掛牌嘅新股不下10隻。單係昨日，就有兩間公司同時舉辦投資者推介會，今日就更加有3間公司撞期。