阿里雅虎 和解「有實質進展」

【明報專訊】阿里巴巴與雅虎就支付寶股權轉移嘅爭拗，終於出現轉機。小琴噚日就收到一份來自阿里巴巴集團、日本軟銀及雅虎的聯合聲明，聲稱三者嘅溝通「已取得了實質性進展」。

不過，乜嘢為之「實質性進展」，三方就繼續賣關子，聲明中未進一步交代。離開達成共識仲需要幾耐，亦未有定案。唔知是否驚講多錯多，聲明更表示「在適當的時間之前，阿里巴巴集團、雅虎及軟銀將不再發表任何評論」。

事緣身為阿里巴巴集團大股東的雅虎，於上月向美國證交會披露，阿里巴巴集團喺佢唔知情嘅情况下，將支付寶的所有權轉讓畀公司主席馬雲控制的一家內地公司。

不過馬雲就反駁指出，所有權轉讓係為咗讓支付寶得到內地嘅第三方支付牌照，過去3年阿里巴巴董事會一直都係討論轉讓既問題，所以不存在隱瞞。事件究竟幾時完結，睇來投資者仲要耐心等多陣先知。