新聞類別
財經
詳情#
【明報專訊】原以為3Q大戰已經無風無浪，點知騰訊控股（0700）同360之間再起事端。事緣騰訊旗下專門優化電腦嘅軟件——QQ電腦管家官方微博喺周一暗示，360軟件搞到QQ電腦管家唔可以正常運作，更形容QQ電腦管家用戶隨時面對一次「暗殺」行動。360不甘示弱，喺噚日發聲明「回敬」騰訊，話騰訊「惡意攻擊」360嘅軟件，又話呢種手段係「極其不負責任的不正當競爭行為」，口水四濺，十足去年3Q大戰嘅翻版。
360美股價急升一成
無論誰是誰非，正當兩者爭拗之際，喺美國上市嘅360受到投資者嘅追捧，噚晚股價急升逾一成，一洗近期嘅頹風，反觀騰訊嘅股價喺周一急升之後，呢兩日無咩運行要隨大市回軟。上一次3Q大戰，騰訊股價一度被人「質低」，唔知今次又會否歷史重演？
留言 (0)
