新聞類別
財經
詳情#
【明報專訊】面對中移動（0941）同中電信（0728）都就快出iPhone，如果閣下係聯通（0762），會有乜嘢奇招谷客呢？有網民就喺微博話最近收到聯通嘅短訊，內容是這樣的：「您本月手機上網實際使用流量在本省排名：50萬名之後，已經低於平均水平，適時上網，開拓視界，與潮流同步。」
小琴專登打畀聯通發言人，佢本人都係首次聽聞，都要證實一吓。不過，唔少同胞喺微博亦話收到同樣嘅短訊，其中一名使用聯通嘅網民講，自己月費高達286元人仔，明明係成日上網嘅高端用戶，點知都畀聯通話網絡用量低過平均水平，真是莫名其妙！
亦都有網民讚聯通有創意，更加惡搞聯通嘅短訊成另一版本，「前天存了家庭所有的儲蓄，今天收到銀行短訊：您的銀行存款已是全國排名14億名之後，已經拉了中國人均GDP的後腿，努力工作，抓緊掙錢，與CPI同步！」
留言 (0)
