陳啟宗：中國滿是垃圾樓

【明報專訊】凡見過恒隆（0101）主席陳啟宗（Ronnie）嘅人，都知佢為人滿有自信，談話甚具豪氣，也有人說他「寸」氣逼人，噚日恒隆地產業績會上，有記者問佢內地興起起寫字樓、商場和住宅一體嘅「城市綜合體」，佢破頭就罵，話呢啲都係垃圾！

恒隆內地建築 屢獲國際獎

「很多人都要造一個個城市綜合體，我問，你造過嗎？你造過成功的嗎？現在在內地那一個項目是夠水平的？」他問。

佢話除咗在一線城市嘅商廈之外，其他全部都係垃圾。「中國的城市都是一個樣子，沒有特色的，我稱它作『視覺污染』。空氣有污染，燈光有污染，充滿垃圾大樓的城市，就有視覺污染。」

講句公道話，恒隆一向喺環保好花心思，喺上海同瀋陽嘅項目，都贏過唔少國際獎項。不過佢慨嘆，要做高質素，配有節能減排配套的樓房實不容易，因為首先要花好多錢，「在土地拍賣中，人家出價貴一塊錢便把他搶過去，那我的經驗和工夫便變得『一文不值』了……所以現在中國滿是垃圾大樓，我真的擔心內地變成一個個高碳城市。」

另外，被人問到佢舊年配完股之後，攞住100億元點解唔積極啲買地，他自嘲天生生得矮，好多嘢都唔夠人爭，咁咪等個買最熊嘅時候，人人都唔出嚟先買囉。Ronnie敢起用昂藏六尺嘅陳南祿，其實亦有自信嘅表現。