新聞類別
財經
詳情#
【明報專訊】內地有山寨iPhone 4、山寨蘋果直營店，當然唔少得尚未推出嘅iPhone 5山寨版喇。呢部山寨機有名有姓，叫做「HiPhone 5」，平均標價500元人仔，喺推出1個月內就賣出7000部。
仔細睇呢部手機，外形確實好似外界估計咁，機背放棄iPhone 4嘅平面設計，轉用iPhone3G的弧形設計，機身薄得只有7毫米。呢部山寨機更有雙卡雙號功能，相信連真正嘅iPhone 5都冇配備。小琴專程去內地網上商店幫大家格吓價，發現最高價超過1000蚊人仔，發現最平嘅HiPhone 5，200多人仔就有交易，有賣家更加以歐洲版iPhone 5作招徠。
1個月勁賣7000部
據內地《北京晨報》報道，呢部手機過去一個月大賣7000部，報道訪問咗一位HiPhone 5賣家講，見這個仿冒蘋果手機幾有趣，所以就入咗幾部貨係網上賣。不過，呢位賣家都好老實話，過去幾日，都有人搵佢退貨，話係質量有問題。賣家又講，手機睇上去，功能係非常強大，但都係用價格非常低廉嘅零件嚟整，質量沒有辦法保證，說不準幾日就會壞掉。
工信部電信研究院中國泰爾實驗室主任何桂立亦都警告，實驗室在市場上購買過山寨手機進行測試，發現大部分手機都存在問題，尤其是在電磁輻射比原廠機，厲害得多。各位如果入貨之前，要先諗清楚啊。
報料電郵﹕[email protected]
留言 (0)
