新聞類別
財經
詳情#
【明報專訊】證監會向來惹火，有投資者長期喺證監樓下駐紮，搞到大業主置地都怕怕，使出一招瘋狂加租「送走」呢個打虎機構。據報道證監喺遮打大廈租約期滿後，2013年6月就會搬去中環嘅長江中心。咪以為只有證監嘅員工先在意新office喺邊，股壇長毛David Webb就質疑，證監做咗一間本港上市公司嘅租客，可能會有利益衝突喎！
同證監一樣嫉惡如仇嘅Webb提出疑問，點解警方對於長年喺證監office打鑼打鼓嘅示威者，一直冇執行噪音管制條例，估計可能係阿頭唔想孭上打壓言論自由嘅罪名，如果佢哋係喺中央領導附近示威就另當別論！
Webb：長和物業 易利益衝突
今趟證監會被逼遷，Webb就話長江中心係和黃（0013）嘅物業，而和黃又係城中富豪李嘉誠旗下，誠哥名下總共有7間上市公司同兩隻REITs，一旦證監要同和黃傾租約，而咁蹺證監又有啲針對嗰9間公司嘅監管行動，就可能會有利益衝突了。而證監現業主置地就冇呢個「風險」，因為佢哋一早冊遷咗去星洲！
留言 (0)
