葉劉憂遞補拖累選舉：方案唔掂 咪拎出嚟

【明報專訊】政府早前做咗兩個月諮詢嘅遞補機制，相信好快有新方案公布，唔少立法會議員都收到風，話政府方案會限制辭職議員半年內唔可以再參與補選。究竟呢個方案會唔會再引起社會大反響，相信唔使好耐就會知；不過，有建制派議員覺得，點樣都好，最重要係唔好影響明年立法會選舉。


新民黨主席葉劉淑儀話，唔知政府幾時拎方案上立法會，不過就最好快啲，如果唔掂，就唔好拎出嚟，最重要係唔好搞亂選舉。


工聯會議員黃國健話，其實好多市民都支持政府堵塞漏洞，防止議員辭職又參選，半年唔准再參選，相信可以解決問題，而且方式比較溫和，就算選舉前先拎上立法會，應該唔會對選舉有好大損害。