新地邀諾獎得主 講環球經濟危機

【明報專訊】號稱「以心建家」嘅新地（0016）除咗賣樓，都真係做唔少公益活動，好似新地同香港中文大學合辦嘅「新鴻基地產諾貝爾獎得獎學人傑出講座系列」，唔經唔覺已經搞咗18次，下個月5號就會舉辦第19次，今次講座邀請嘅係2010年諾貝爾經濟學獎得主彼得．戴蒙德（Peter A. Diamond）教授，題目就係「防患於未然：遏止全球經濟陷入危機的步驟」。

中大合辦 安排網上直播

難得呢個題目咁貼近目前形勢，相信好多人都知道戴蒙德教授點諗，中大就特別安排講座喺本港多間大專院校直播；中學師生就可以透過香港教育城睇網上直播。中大仲照顧埋內地莘莘學子，多間學府包括復旦大學、上海交通大學、浙江大學、南京大學及中山大學等都睇到直播。

新地亦都有照顧一般市民，即日起免費派發講座入場券，喺中環、尖沙咀同旺角嘅中大專業進修學院教學中心就有得攞嘞。