微博好吸引 蓋茨都玩埋一份

【明報專訊】微博嘅威力真係好驚人，唔玩微博隨時畀人out走，估唔到呢股「微博風」唔單止吹遍中港，連外國人都玩埋一份。好似新浪微博響4月推出咗英文版微博之後，唔單止已經累積成40幾萬用戶，當中仲有唔少政商同荷李活名人。

班微博用戶有幾猛？微軟創辦人比爾．蓋茨（Bill Gates）夠猛未，連佢都抵受唔住微博嘅吸引力。未夠猛？咁再加上荷里活巨星湯告魯斯同《哈利波特》入面阿妙麗（Emma Watson），仲有國際貨幣基金組織（IMF）總裁拉加德，你話如果唔係微博，我哋一般人有咩機會可以同時「關注」呢班名人近况呢？

話時話，小琴真係要好好考慮係咪應該都開返個英文微博，搵吓有冇奇洛李維斯，咁就唔使追佢回信，改追微博就得。