捷豹路虎新車 閃耀來港

【明報專訊】噚日，英國豪華車品牌捷豹（Jaguar）同路虎（Land Rover）帶左成20部新款靚車，齊齊亮相會展中心，仲有大班車模熱舞全場，小琴睇到眼花繚亂啊。連鄭伊健同周慧敏都來到現場，兩位自稱「忠實FANS」，伊健話自細就夢想賺錢買部路虎咁犀利嘅越野車，而周慧敏就話最鍾意捷豹「高貴又有動感」。難怪捷豹路虎中國總裁高博喺個會度大讚，「香港人富有、眼光獨到、識得欣賞豪車品牌」啦！


路虎中國執行副總裁胡波就話，之後5年豪華越野車喺香港銷量每年會keep到雙位數增長率，仲對內地豪華車市場同樣充滿信心，準備緊明年第1季擴大銷售