10年一遇 聽晚「天狗食月」

【明報專訊】10年難得一見嘅月全食會喺明晚8點46分出現，月亮喺個半鐘內完全進入地球陰影，仲會變成暗紅色。出現咁難得嘅天文現象，當然會有團體會搞觀賞活動，擅長夜觀天象嘅道教團體嗇色園，都搞咗個免費觀測活動。
嗇色園轄下原來有個單位叫「可觀自然教育中心暨天文館」，已經成立咗15年，一直有搞天文觀測活動。中心介紹，今次天文現象叫「天狗食月」，係2001年來香港可見最完整、觀測條件最好嘅月全食，下次要等到2018年。明晚嘅「天狗食月」會由8時46分開始，至10時06分完成，紅月亮會持續52分鐘，直至10時57分才離開地球陰影。如各位有興趣參加觀測，可以聯絡天文館，電話係2413 7122。