中糧包裝高層影相

【明報專訊】考大家一條IQ題，芝士同茄子有乜相同功用？答案就係影相嗰陣可以笑得更好睇。你唔見響香港每次攝影師舉機都會叫對方講「Cheese」，而響內地，個攝影師就會叫大家講「茄子（國語）」。因為講呢兩個詞嗰陣，嘴形會好似笑緊咁樣，所以都算係影相專用詞。


笑住推銷公司業務

不過呢，噚日中糧包裝（0906）班高層就話畀大家知，除咗芝士同茄子，罐子同蓋子都一樣可以成為影相專用詞，事關畀行家影相嗰陣，佢地個個唔係喊「罐子」就係喊「蓋子」，個嘴形又真係可以變得好似笑緊咁喎。


但最令小琴佩服係，呢間公司本身就係做飲品包裝，好似汽水罐呀、膠樽蓋呀嗰啲，家連影緊相都不忘提醒大家佢地係做乜生意，咁樣嘅推銷手法真係唔可以唔寫個服字。