譚耀宗以為自己會落選

【明報專訊】民建聯係今屆立法會選舉嘅大贏家，拎到13席，其中喺新界西3張名單全部勝出，唔少人對民建聯神乎其技嘅配票技巧嘖嘖稱奇。民建聯主席譚耀宗噚日喺電台節目就話，其實今次佢哋都贏得「一額汗」，選舉日佢仲驚緊自己會意外墮馬。


譚sir話，民建聯喺新界西分拆3隊風險好高，一直都擔心最終1席都無，選舉當日仲聽到風聲，指有其他政黨嘅內部民調顯示自己可能出局。譚sir話﹕「大家都驚，主席都衰就好大鑊，所以嗰日我都唔敢走開，一直喺區內踩到尾」。譚sir話，選舉日只係趁少少空檔，去咗梁志祥度幫手拉票，原本有人話去埋陳恒鑌嗰邊幫手，但屯門嘅助選團都話穩陣起見，勸佢唔好去。


被問到會唔會因為今次選舉「