新聞類別
財經
詳情#
【明報專訊】恐龍預告今年底嚟香港自由行,咁佢哋坐咩交通工具嚟呢?原來坐東方海外(0316)嘅貨櫃船。由澳洲製作公司負責嘅大型舞台劇《與龍同行》,將會喺今年底在港演出。呢啲恐龍係按照一比一真實比例製造,即係有幾大?有啲恐龍有4層樓高,每隻恐龍要3位技術人員操控,可想而知幾咁巨型。
參與匯演嘅20隻恐龍,加埋其他器械,要用33個貨櫃先裝得晒。東方海外就贊助亞洲區匯演嘅運送工作。聽東方海外企業部董事總經理定正倫講,呢33個貨櫃唔輕,仲要特別安排。因為呢個show除咗喺香港,仲會喺其他亞洲國家表演,東方海外要確保及時運送到表演地區。有啲地區,東方海外本身未必有運送路線,但「送佛送到西」,佢哋就搵其他船公司幫手送恐龍到達目的地。除咗東方海外,保誠保險(2378)做咗冠名贊助,更為保險特選客戶提供訂票優惠。
回應 (0)
2024年01月19日 23:25