棠哥緊張 嗌錯聯盟名

【明報專訊】政制向前走大聯盟嘅屬會，早前畀傳媒踢爆派錢利誘市民遊行，召集人鄭耀棠噚日開記者會，唔知棠哥係咪怕畀記者「質」到頭暈，一開始仲連自己聯盟個名都叫錯，多次叫咗「政改」向前走大聯盟，睇嚟佢好緊張喎！ 結果成個記者會傳媒都係針對「200蚊遊行」、30蚊海鮮團事件，棠哥早預到有此一着，攞咗張職工盟嘅傳單反擊，話「對家都有搞聚餐啦！」不過細個讀書都有教，人哋做錯唔代表你可以學，有記者噚日就用呢句說話嚟質佢，不過棠哥講嚟講去都堅持自己無錯，記者見石頭都鑽唔出血，好無奈咁話：「你嘅良知係咪覺得咁樣冇錯呢？」