新地郭炳江 入國泰城傳福音

【明報專訊】新鴻基（0016）副主席兼董事總經理郭炳江，噚日入咗國泰城，莫非同國泰（0293）有合作？定係新鴻基有興趣染指航空業？原來郭炳江入國泰城，有更重要嘅使命，就係傳揚福音。國泰團契組噚日邀請咗郭炳江，下晝去國泰城分享，題目係「還有餘震，何處擋」，講吓如何用宗教信念面對逆境。 分享如何用信念面對逆境 大家都知道，郭炳江喺虔誠基督徒。郭生今次專登入去國泰城傳福音，應該有唔少新意。郭生對宗教嘅投入程度眾所周知，新鴻基喺馬灣起咗個挪亞方舟，講述創世紀挪亞方舟嘅故事，郭炳江亦喺果度同青少年分享過點樣克服困難。近期好多歌手出福音唱碟，唔知郭生下次會唔會出張福音唱碟呢。